tātāti putto vadamāno kampeti hadayaṃ pitu

hadayassa sadisī vācā hadayaṃ samma dadāmi teti.

Evañca pana vatvā hadayamaṃsena saddhiṃ madhuramaṃsaṃ ukkhipitvā adāsi. Taṃ catuttho seṭṭhiputto kinti vatvā yācasīti pucchi. So tātāti vatvāti. So ahampi naṃ yācissāmīti vatvā gantvā sahāya maṃsakhaṇḍaṃ me dehīti āha. Luddo tava vacanānurūpaṃ labhissasīti vatvā catutthaṃ gāthamāha

yassa gāme sakhā natthi yathāraññaṃ tatheva taṃ