niccaṃ addhuvasīlassa sucibhāvo na vijjati

so karassānubhāvaṃ tvaṃ vītivattassu sīliyaṃ

sītavātaparittāṇaṃ karassu kuṭikaṃ kapīti.

Tattha anavaṭṭhitacittassāti appatiṭṭhitacittassa. Dubbhinoti mittadubbhissa. Addhuvasīlassāti na sabbakālaṃ sīlarakkhanakassa. So karassānubhāvaṃ tvanti so tvaṃ samma makkaṭa paññāya uppādanatthaṃ ānubhāvaṃ balaṃ upādāya karohi. Vītivattassu sīliyanti attano dussīlabhāvasaṅkhātaṃ sīliyaṃ atikkamitvā sīlavā hohi. Kuṭikanti sītavātassa parittāṇasamatthaṃ attano kuṭikaṃ kulāvakaṃ ekaṃ vasanāgārakaṃ karohīti.