tatthattani vatappanthe vinābhāve asaṃsaye

bhūtaṃ sesaṃ dayitabbaṃ cavitaṃ ananusociyanti 4-.

Tattha bahūnaṃ vijjatīti ayaṃ bhotī amhe chaḍḍetvā idāni aññesaṃ bahūnaṃ matakasattānaṃ antare vijjati atthi upalabbhati. Tehi me kiṃ bhavissatīti tehi matakasattehi saddhiṃ vattamānā idāneva sā mayhaṃ kiṃ bhavissati tehi vā sattehi atirekasambandhavaseneva sā mayhaṃ kiṃ bhavissati kā nāma bhavissati kiṃ bhariyā udāhu bhaginīti. Tehi mekantipi pāṭho. Tehi matakehi saddhiṃ idampi me kalevaraṃ ekaṃ bhavissatīti attho. Tasmāti yasmā esā matā matakesu samāgatā mayhaṃ na kiñci hoti tasmā etaṃ na socāmi. Yaṃ yaṃ tassāti yaṃ yaṃ tassa anusocanakassa sattassa na vijjati natthi mataṃ niruddhaṃ taṃ taṃ sace anusoceyyāti attho.