Taṃ sutvā rājā dutiyaṃ gāthamāha

yo ve kate paṭikate kibbise paṭikibbise

evantaṃ sammati veraṃ vasa kuntini mā gamāti.

Tassattho yo puggalo parena kate kibbise attano puttamāraṇādike dāruṇakamme kate puna attano tassa puggalassa paṭikate paṭikibbise paṭikataṃ mayā tassāti jānāti evantaṃ sammati veranti ettakena taṃ veraṃ sammati vūpasantaṃ hoti tasmā vasa kuntini mā gamāti.