sādhūni ramaṇīyāni santi vakkhā manoramā

subhāsitāni kappassa nārada ramayanti manti.

Tattha vakkhāti rukkhā. Pāliyaṃ pana rukkhātve likhitaṃ. Subhāsitānīti kappena kathitāni subhāsitāni maṃ ramayantīti attho.

Evañca pana vatvā evaṃ maṃ abhiramāpento kappo aloṇakaṃ adhūpanaṃ udakasittapaṇṇamissaṃ sāmākanivārayāguṃ pāyesi tāya me sarīre byādhi vūpasamito nīrogo jātomhīti āha. Taṃ sutvā nārado tatiyaṃ gāthamāha