Sakko sabbesaṃ dhammakathaṃ sutvāva pasīditvā tumhehi appamattehi maraṇasati bhāvitā mā tumhe ito paṭṭhāya sahatthā kammaṃ karittha ahaṃ sakko devarājā ahaṃ vo gehe aparimāṇāni sattaratanāni karissāmi tumhe dānaṃ detha sīlaṃ rakkhatha

Uposathaṃ upavasatha appamattā hothāti tesaṃ ovādaṃ datvā gehaṃ aparimitaṃ dhanaṃ katvā pakkāmi.

Satthā imaṃ dhammadesanaṃ āharitvā saccāni pakāsetvā jātakaṃ samodhānesi. Saccapariyosāne kuṭumbiko sotāpattiphale patiṭṭhahi. Tadā dāsī khujjuttarā ahosi. Dhītā uppalavaṇṇā. Putto rāhulo. Mātā khemā. Brāhmaṇo pana ahamevāti.

Uragajātakaṃ catutthaṃ