Evampi idha vuḍḍhānaṃ yo vākyaṃ nāvabujjhati

atisīmaṃ caro ditto gijjho vātītasāsano

sabbe byasanaṃ papponti akatvā buddhasāsananti. Imā tisso abhisambuddhagāthā.

Tattha anujīvinoti taṃ nissāya anujīvanakā. Anovādakare dijeti tasmiṃpi migalope gijjhe ovādaṃ akaronte sabbepi te tena saddhiṃ atikkamitvā sīmaṃ gantvā vināsaṃ pāpuṇiṃsu. Evampīti bhikkhave yathā so gijjho evaṃ yo aññopi gahaṭṭho vā pabbajito vā hitānukampakānaṃ buddhānaṃ vacanaṃ na gaṇhati sopi ayaṃ sīmaṃ atikkamitvā caranto ditto dappito gijjhova byasanaṃ pāpuṇātīti.