kā nu kālena vaṇṇena na cāsi piyadassanā

kā vā tvaṃ kassa vā dhītā kathaṃ jānemu taṃ mayanti.

Tattha kālenāti nīlena. Vaṇṇenāti sarīravaṇṇena vatthābharaṇavaṇṇena ca. Na cāsi piyadassanāti dhātuso bhikkhave sattā saṃsarantīti vuttaṃ. Ayañca devadhītā anācārā dussīlā tasmā sā saha dassanenevassa appiyā jātā tenevamāha kā vā tvanti kā ca tvaṃ ayameva vā pāṭho.

Taṃ sutvā kālakaṇṇī dutiyaṃ gāthamāha