mahārājassahaṃ dhītā virūpakkhassa caṇḍiyā

ahaṃ kālī alakkhikā kālakaṇṇīti maṃ vidū

okāsaṃ yācito dehi vasemu tava santiketi.

Tattha caṇḍiyāti kodhanā kodhanabhāvena hi mayhaṃ caṇḍīti nāmaṃ kariṃsu. Alakkhikāti nippaññā. Maṃ vidūti evaṃ maṃ cātummahārājikadevaloke jānanti. Vasemūti mayaṃ ajja ekarattiṃ tava santike vaseyyāma ekasmiṃ me anucchiṭṭhāsanasayane okāsaṃ dehīti.