Atha naṃ garahanto mahāsatto aṭṭhamaṃ gāthamāha

apehi etto tvaṃ kāli netaṃ amhesu vijjati

aññaṃ janapadaṃ gaccha nigame rājadhāniyoti.

Tattha apehīti apagaccha. Netaṃ amhesūti etaṃ makkhādikaṃ tava piyabhāvakaraṇaṃ amhesu na vijjati natthi. Nigame rājadhāniyoti aññe nigamepi aññā rājadhāniyopi aññattha gaccha yattha mayaṃ taṃ na passāma tattha gacchāti dīpeti.