Tattha yanti karaṇatthe paccattaṃ. Nūti anussavatthe nipāto. Idaṃ vuttaṃ hoti samma ajarāja yena tāva tiracchānagato bhadrena kāraṇena ahaṃ bālo taṃ tvaṃ kāraṇaṃ jānāhi na sakkā etaṃ tayā ñātuṃ ahañhi tiracchānagatattāva bālo tasmā maṃ khuraputtāti ādīni vadanto suṭṭhu vadasi ayaṃ pana senako rājā kena kāraṇena bālo taṃ me kāraṇaṃ pucchito akkhāhīti.

Taṃ ācikkhanto ajo pañcamaṃ gāthamāha

uttamatthaṃ labhitvāna bhariyāya yo padassati

tena jahissatattānaṃ sā cevassa na hessatīti.