vivādena kisā honti vivādena dhanakkhayā

jinā uddā vivādena bhuñja māyāvi rohitanti.

Tattha vivādena kisā hontīti bhadde ime sattā vivādaṃ karontā vivādaṃ nissāya kisā appamaṃsalohitā honti. Vivādena dhanakkhayāti hiraññasuvaṇṇādīnaṃ dhanānaṃ khayāpi vivādeneva honti. Dvīsupi vivadantesu eko parājito parājitattā dhanakkhayaṃ pāpuṇāti Itaro jayabhāgadānena. Jinā uddāti dve uddā vivādeneva imaṃ macchaṃ jinā tasmā tvaṃ mayā ābhatassa uppattiṃ mā puccha kevalaṃ imaṃ bhuñja māyāvi rohitanti.

Itarā abhisambuddhagāthā