vasavattino jātijaraṃ atītā

Ayamantimā vedagū brahmupatti

asmābhijappanti janā anekāti.

Tattha dvāsattatīti na kevalaṃ gotama ahameva atha kho imasmiṃ brahmaloke mayaṃ dvāsattati janā puññakammā aññesaṃ upari attano vasaṃ vattanena vasavattino jātijarañca atītā ayaṃ no vedehi gatattā vedagū ayaṃ gotama antimābrahmuppatti pacchimakoṭippatti seṭṭhabhāvuppatti. Asmābhijappanti janā anekāti amhe aññe bahū janā pañjalikā hutvā ayaṃ kho bhavaṃ brahmā mahābrahmāti ādīni vadantā namassanti patthenti pihenti aho vata mayaṃ evarūpā bhaveyyāmāti icchantīti attho.