Iti bhagavā tesaṃ upāsakānaṃ tisso kusalasampattiyo cha Kāmāvacarasagge brahmalokasampattiyo ca datvāpi pariyosāne arahattaphaladāyakā apaṇṇakapaṭipadā nāma catūsu apāyesu pañcasu ca nīcakulesu nibbattidāyakā sapaṇṇakapaṭipadā nāmāti imaṃ apaṇṇaka- dhammadesanaṃ dassetvā uttariṃ cattāri saccāni soḷasahi ākārehi pakāsesi. Catusaccapariyosāne sabbepi te pañcasatā upāsakā sotāpattiphale patiṭṭhahiṃsu.

Satthā imaṃ dhammadesanaṃ dassetvā dve vatthūni kathetvā anusandhiṃ ghaṭetvā jātakaṃ samodhānetvā dassesi. Tasmiṃ samaye bālasatthavāhaputto devadatto ahosi parisāpissa devadattaparisā paṇḍitasatthavāhaputtaparisā buddhaparisā paṇḍitasatthavāhaputto pana ahameva ahosīti desanaṃ niṭṭhāpesi.

Apaṇṇakajātakaṃ paṭhamaṃ.