alikaṃ bhāsamānassa apakkamanti devatā

pūtikañca mukhaṃ vāti sakaṭṭhānāva dhaṃsati

yo jānaṃ pucchito pañhaṃ aññathā naṃ viyākareti.

Tattha apakkamanti devatāti mahārāja sace alikaṃ bhaṇissasi cattāro devaputtā ārakkhaṃ chaḍḍetvā antaradhāyissantīti adhippāyenetaṃ vadati. Pūtikañca mukhaṃ vātīti mukhañca te kāyo ca ubho Pūtigandhaṃ vāyissatīti taṃ sandhāyāha. Sakaṭṭhānāva dhaṃsatīti ākāsato bhassitvā paṭhaviṃ pavisatīti dīpento evamāha.