Evaṃ imaṃ dhammadesanaṃ dassetvā cattāri saccāni pakāsesi. Saccapariyosāne ossaṭṭhaviriyo bhikkhu aggaphale arahatte patiṭṭhāsi. Satthāpi dve vatthūni kathetvā anusandhiṃ ghaṭetvā jātakaṃ samodhānetvā dassesi tasmiṃ samaye viriyaṃ anossajjitvā pāsāṇaṃ bhinditvā mahājanassa udakadāyako cūḷupaṭṭhāko ayaṃ ossaṭṭhaviriyo bhikkhu ahosi avasesā parisā idāni buddhaparisā jātā satthavāhajeṭṭhako pana ahameva ahosīti imaṃ dhammadesanaṃ niṭṭhāpesi.

Vaṇṇupathajātakaṃ dutiyaṃ.