atīte gijjhakūṭe pabbate bodhisatto gijjhayoniyaṃ nibbatti. Putto panassa supatto nāma gijjharājā anekasahassagijjhaparivāro thāmasampanno ahosi. So mātāpitaro posesi. Thāma sampannattā pana atidūraṃpi uppati. Atha naṃ pitā tāta ettakaṃ nāma ṭhānaṃ atikkamitvā na gantabbanti ovadati. So sādhūti sampaṭicchitvāpi ekadivasaṃ navavuṭṭhe deve gijjhehi saddhiṃ uppatitvā sese ohāya atibhūmiṃ gantvā verabbhavātamukhaṃ patvā cuṇṇavicuṇṇabhāvaṃ pāpuṇi.

Satthā tamatthaṃ pakāsento abhisambuddho hutvā imā gāthā abhāsi

parisaṅkupatho nāma gijjhapatho sanantano

tatrāsi mātāpitaro gijjho posesi jiṇṇake.