tadiṅgha brūhi vassantasannibha

kasmā suva sukkhadumaṃ na riñcasīti.

Tattha jhāyasīti kiṃkāraṇā sukkhakhāṇumatthake jhāyanto pajjhāyanto tiṭṭhasi. Iṅghāti codanatthe nipāto. Vassantasannibhāti vassantakāle vanasaṇḍo subhaguṇasamākiṇṇo viya nīlobhāso hoti tena taṃ vassantasannibhāti ālapati. Na riñcasīti na chaḍḍesi.

Atha naṃ suvarājā ahaṃ haṃsa attano kataññūkataveditāya imaṃ na jahāmīti vatvā dve gāthā abhāsi