Tato sakko cintesi kaṇhapaṇḍito varaṃ gaṇhanto ativiya anavajje vare gaṇhi etesu varesu guṇadosaṃ etameva pucchissāmīti. Atha naṃ pucchanto pañcamaṃ gāthamāha

kiṃ nu kho kodhe vā dose vā lobhe sneheva brāhmaṇa

ādīnavaṃ sampassasi taṃ me akkhāhi pucchitoti.

Tassattho brāhmaṇa kinnu kho tvaṃ kodhe vā dose vā lobhe vā snehe vā ādīnavaṃ sampassasi tvaṃ tāva me pucchito akkhāhi na hi mayaṃ ettha ādīnavaṃ jānāmāti.