varañce me ado sakka sabbabhūtānamissara

na mano vā sarīraṃ vā maṅkute sakka kassaci

kadāci upahaññetha etaṃ sakka varaṃ dehīti.

Tattha mano vāti manodvāraṃ vā. Sarīraṃ vāti kāyadvāraṃ vā. Vacīdvārampi etesaṃ gahaṇena gahitamevāti veditabbaṃ. Maṅkuteti mama kāraṇā. Upahaññethāti upaghāteyya parisuddhaṃ assa. Idaṃ vuttaṃ hoti sakka devarāja mama kāraṇā maṃ nissāya mama anatthakāmatāya kassaci sakkassa kismiñci kāle idaṃ tividhampi kammadvāraṃ na upahaññetha pāṇātipātādīhi dasahi akusalakammapathehi vimuttaṃ parisuddhameva bhaveyyāti.