Tattha sukhamāsiṃsamānoti etādisaṃ yakkhaṃ disvā attano sukhaṃ āsiṃsanto paṇḍito puriso amhākaṃ sukhaṃ bhavissati na bhavissatīti puccheyya. Uṭṭhehīti udakato uṭṭhahantākāraṃ dassento uṭṭhehi. Pañjalikābhipucchāti pañjaliko hutvā abhipuccha. Uda mānusīti udāhu mahiddhikā mānusī tvanti.

Bodhisatto yuttaṃ kathetīti taṃ pucchanto catutthaṃ gāthamāha

yaṃ tvaṃ sukhenābhisamekkhase maṃ

bhuñjassu bhattaṃ iti maṃ vadesi