akāmako vāpi ahaṃ carāmi

etena saccena suvatthi hotu

hataṃ visaṃ jīvatu yaññadattoti.

Tattha athāparaṃ yaṃ caritanti atha tasmā sattāhaṃ uttari yaṃ mama brahmacariyaṃ. Akāmako vāpīti pabbajjaṃ anicchantoyeva. Etena saccena suvatthi hotūti sace atirekapaññāsa vassāni anabhirativāsaṃ vasantena mayā kassaci anāropitabhāvo sacco etena Saccena yaññadattakumārassa suvatthi hotu jīvitaṃ paṭilabhatūti.