kā tvaṃ suddhehi vatthehi aghe vehāsayaṃ ṭhitā

kena tyassūni vattanti kuto taṃ bhayamāgatanti.

Tattha kā tvanti nāgayakkhasupaṇṇasakkādīsu kānāma tvanti pucchati. Vatthehīti vacanamattamevetaṃ. Sabbepi pana dibbālaṅkāre sandhāyevamāha. Agheti appaṭighe ākāse. Vehāsayanti tasseva vevacanaṃ. Kena tyassūnīti kena kāraṇena tava assūni pavattanti. Kutoti ñātiviyogadhanavināsādīnaṃ kiṃ nissāya taṃ bhayamāgatanti pucchati. Taṃ sutvā devarājā dve gāthā abhāsi

taveva deva vijite bhaddasāloti maṃ vidū