Mantā ime brāhmaṇassāti micchā

pahīnamanto kapaṇo rudāmīti.

Tattha dhammenāti samena kāraṇena appaṭicchādetvāva adāsi. Pakatiñca saṃsīti mā me pucchito nāmagottaṃ guyhittho sace guyhisi manto te nassissatīti tesaṃ nassanapakatiñca mayhaṃ saṃsi. Brāhmaṇassāti micchāti brāhmaṇassa santike mayā ime mantā gahitāti micchā abhāṇiṃ tena me mantā naṭṭhā svāhaṃ pahīnamanto idāni kapaṇo rodāmīti.

Taṃ sutvā rājā ayaṃ pāpadhammo evarūpaṃ ratanaṃ na olokesi evarūpasmiṃ uttamaratane laddhe jāti kiṃ karissatīti kujjhitvā tassa garahanto