Tattha varañce me adoti sace mayhaṃ varaṃ desi. Piyāni cāti aññāni ca yāni piyabhaṇḍāni. Na anutappentīti punappunaṃ puttādayo paṭṭhentiyeva na tittiṃ gacchanti. Na mayī vaseti mayi māvasatu mā uppajjatu.

Athassa sakko tusitvā uttarimpi varaṃ dento mahāsatto ca varaṃ gaṇhanto imā gāthā abhāsiṃsu

etasmiṃ te sulapite paṭirūpe subhāsite

varaṃ kassapa te dammi yaṃkiñci manasicchasi.