pajjunnanāthā pasavo pasunāthā ayaṃ pajā

tvaṃ nāthosi mahārāja amhanāthā mama bhariyā

dvinnamaññataraṃ ñatvā mutto gaccheyyapabbatanti

tattha pajjunnanāthāti tiṇabhakkhā pasavo meghanāthānāma. Pasunāthā ayaṃ pajāti ayaṃ pana manussapajā pañcagorasehi upajīvantī pasunāthā pasupatiṭṭhā. Tvaṃ nāthosīti tvaṃ mama patiṭṭhā asi. Amhanāthā mama bhariyāti ahamassā patiṭṭhā. Dvinnamaññataraṃ ñatvā mutto gaccheyya pabbatanti amhākaṃ dvinnaṃ antare eko ekaṃ mataṃ ñatvā sayaṃ maraṇato mutto pacchā himavantaṃ gaccheyya jīvamānā mayaṃ aññamaññaṃ na jahāma tasmā sacepi imaṃ himavantaṃ pesetukāmo maṃ paṭhamaṃ māretvā pacchā pesehīti.