datvā ca bhutvā ca yathānubhāvaṃ

anindito saggamupehi ṭhānanti.

Tattha mittābhirādhīti mitte ārādhento mitte adubbhamāno. Sabbātithīti sabbe dhammikasamaṇabrāhmaṇe atithī pāhunakeyeva katvā paricaranto yācitabbayuttako hutvā. Aninditoti dānādīni puññāni karaṇena pamuditoceva lokena ca anindito hutvā saggaṭṭhānaṃ upehīti.

Evaṃ vatvā sakko devarājā ahaṃ mahārāja taṃ pariggaṇhituṃ āgato tvaṃ attānaṃ pariggahituṃ nādāsi appamatto hohīti taṃ ovaditvā sakaṭṭhānameva gato.