yopi maṃ yācate cakkhuṃ sopi me manaso piyo

etena saccavajjena cakkhu me upapajjathāti.

Tattha sopi meti ye maṃ yācituṃ āgacchanti te piyā tesu āgacchantesu yo maṃ yācati sopi me manasā piyo. Etenāti sace mama sabbepi yācakā piyā saccamevetaṃ mayā vuttaṃ etena me saccavacanena ekaṃ me cakkhu upapajjatha uppajjatūti āha. Athassa vacanānantarameva paṭhamaṃ cakkhuṃ udapādi. Tato dutiyassa uppajjanatthāya gāthadvayamāha

yaṃ maṃ so yācituṃ āgā dehi cakkhunti brāhmaṇo