Taṃ khaṇaññeva dutiyaṃ cakkhuṃ udapādi. Tāni panassa cakkhūni neva pākatikāni na dibbāni sakkabrāhmaṇassa hi dinnaṃ cakkhuṃ pana pākatikaṃ kātuṃ na sakkā upahatavatthuno ca dibbacakkhu nāma nuppajjati. Tāni panassa saccapāramitācakkhūnīti vuttāni. Tesaṃ uppattisamakālameva sakkānubhāvena sabbā rājaparisā sannipatitāva ahesuṃ. Athassa sakko mahājanassa majjheyeva thutiṃ karonto gāthadvayamāha

dhammena bhāsitā gāthā sīvīnaṃ raṭṭhavaḍḍhana

etāni tava nettāni dibyāni paṭidissare.

Tirokuḍḍaṃ tiroselaṃ samatiggayha pabbataṃ