na maṃ cajitumicchanti jīvitassāpi kāraṇāti.

So tassa vacanaṃ sutvā bhiyyoso mattāya muducitto ahosi. Cittamigarājā tassa muducittaṃ ñatvā samma luddaka mā tvaṃ Etaṃ migarājānaṃ migamattoyevāti maññittha ayaṃ hi migarājā asītiyā migasahassānaṃ rājā sīlācārasampanno sabbasattesu muducitto mahāpañño andhe jiṇṇe mātāpitaro posesi sace tvaṃ evarūpaṃ dhammikamigaṃ māresi etaṃ mārento mātāpitaro ca no mañca bhaginiñca meti amhe pañcapi jane māresiyeva mayhaṃ pana bhātu jīvitaṃ dento pañcannaṃpi no jīvitadāyako ahosīti vatvā gāthamāha

te hi nūna marissanti andhā aparināyakā

pañcannaṃ jīvitaṃ dehi bhātaraṃ muñca luddakāti.