rājā me so dijo mitto sakhā pāṇasamo ca me

neva taṃ vijahissāmi yāva kālassa pariyāyanti.

Tattha yāva kālassa pariyāyanti luddaputta yāva jīvitakālassa pariyāyaṃ pariyosānaṃ ahaṃ etaṃ na vijahessāmiyeva.

Taṃ sutvā luddo pasannacitto hutvā sacāhaṃ evaṃ sīla- sampannesu imesu aparajjhissāmi paṭhavīpi me vivaraṃ dadeyya kiṃ me rañño santikā laddhena yasena dhanena visajjessāmi nanti cintetvā gāthamāha