Evaṃ mahāsatto rañño sabbarattiṃ dhammaṃ deseti. Deviyā dohalo paṭipassambhi. Mahāsatto aruṇuggamanavelāyameva rājānaṃ sīlesu patiṭṭhāpetvā appamādena ovaditvā saddhiṃ sumukhena uttara- sīhapañjarena nikkhamitvā cittakūṭameva gato.

Satthā imaṃ dhammadesanaṃ āharitvā evaṃ bhikkhave pubbepi iminā mamatthāya jīvitaṃ pariccattamevāti vatvā jātakaṃ samodhānesi tadā luddako channo ahosi rājā sārīputto devī khemā bhikkhunī haṃsagaṇā sākiyagaṇā ahesuṃ sumukho ānando ahosi haṃsarājā pana ahamevāti.

Haṃsajātakaṃ niṭṭhitaṃ

chaṭṭhaṃ.