Idha saccañca dhammo ca ahiṃsā saṃyamo damo

āsanūdakadāyīnaṃ aṅke vaḍḍhosmi bhāratāti.

Tattha nikatīti paṭirūpakena vañcanāni. Vañcanānīti ujukavañcanāneva. Ālopāti divā gāmaghātā. Sahasākārāti gehaṃ pavisitvā maraṇena tajjetvā sāhasikakammakaraṇāni ca. Saccanti sabhāvo. Dhammoti sucaritadhammo. Ahiṃsāti mettāpubbabhāgo. Saṃyamoti sīlasaṃyamo. Damoti indriyadamanaṃ. Āsanūdakadāyīnanti abbhāgatānaṃ janānaṃ āsanañca udakadānañca dānasīlānaṃ. Bhāratāti rājānaṃ ālapati.

Idāni rañño dhammaṃ desento imā gāthā abhāsi