Tattha adhiccāti ajjhāyitvā. Putteti chattaṃ ussāpetvā nāṭake vārena upaṭṭhāpetvā puttadhītāhi vaḍḍhitvā te putte gehe patiṭṭhāpetvāti attho. Sabbanti ete ca gandharase sesañca sabbaṃ vatthukāmaṃ anubhavitvā. Araññaṃ sādhu muni so pasatthoti pacchā mahallakakāle pabbajitassa araññaṃ sādhu laddhakaṃ hoti yo evarūpe kāle pabbajati so muni buddhādīhi ariyehi pasatthoti vadati.

Tato hatthipālo gāthamāha

vedā na saccā na ca vittalābho

na puttalābhena jaraṃ vihanti