Tattha bhutvā vamitvā cāti maṃsaṃ khāditvā vamitvā ca. Paccāvamissasīti paṭiparibhuñjissasi. Vantādoti parassa vamitakhādako. Na pasaṃsiyoti so taṇhāya vasiko bālo buddhādīhi paṇḍitehi pasaṃsitabbo na hotīti.

Taṃ sutvā rājā vippaṭisārī ahosi. Tayo bhavā ādittā viya upaṭṭhahiṃsu. So ajjeva rajjaṃ pahāya mama pabbajituṃ vaṭṭatīti Uppannasaṃvego deviyā thutiṃ karonto gāthamāha

paṅke ca posaṃ palipe byasannaṃ

balī yathā dubbalaṃ uddhareyya