abhittharetha kalyāṇe pāpā cittaṃ nivāraye

dandhañhi karoto puññaṃ pāpasmiṃ ramatī manoti.

Kalyāṇaṃ turiteneva kātabbaṃ.

Satthā imaṃ dhammadesanaṃ āharitvā evaṃ bhikkhave pubbepi tathāgato mahābhinekkhammaṃ nikkhantoyevāti vatvā jātakaṃ samodhānesi tadā esukārī rājā suddhodanamahārājā ahosi devī mahāmāyā purohito kassapo brāhmaṇī bhaddakāpilānī ajapālo anuruddho gopālo moggallāno assapālo sārīputto sesaparisā buddhaparisā hatthipālo pana ahamevāti.