Vaṇṇayitvā ca pana tāpasaṃ tattha otāretvā imasmiṃ ambavane ambāni khādanto attano taṇhaṃ pūrehīti vatvā pakkāmi. Tāpaso ambāni khāditvā taṇhaṃ pūretvā visamitvā ambavane vicaranto taṃ petaṃ dukkhaṃ anubhavantaṃ disvā kiñci vattuṃ nāsakkhi. Suriye pana atthaṅgate taṃ nāṭakitthīparivāritaṃ dibbasampattiṃ anubhavamānaṃ disvā tisso gāthā abhāsi

mālī tirīṭi kāyurī aṅgadī candanussado

rattiṃ tvaṃ paricāresi divā vedesi vedanaṃ.

Soḷasitthīsahassāni yā temā paricārikā