luddaputtā nisāmetha yāvantettha samāgatā

chabbisāṇaṃ gajaṃ setaṃ addasaṃ supine ahaṃ

tassa dantehi me attho alābhe natthi jīvitanti.

Tattha bhonto luddaputtā ettha tasmiṃ ṭhāne yāvantā yattakā tumhe samāgatā me mama vacanaṃ nisāmetha suṇātha. Chabbisāṇanti chabbaṇṇavisāṇaṃ. Ahaṃ gajaṃ kīdisaṃ chabbisāṇaṃ setaṃ evarūpaṃ gajaṃ supine addasaṃ passāmi tassa nāgarājassa dantehi me attho alābhe natthi jīvitanti.