yo atthakāmassa hitānukampino

ovajjamāno na karoti sāsanaṃ

ajāya pādaṃ olubbha mittako viya socatīti.

Tattha atthakāmassāti vuḍḍhiṃ icchantassa. Hitānukampinoti hitena anukampamānassa. Ovajjamānoti mudukena hitacittena ovadiyamāno. Na karoti sāsananti anusiṭṭhiṃ na karoti dubbaco anovādako hoti. Mittako viya socatīti yathā ayaṃ mittabinduko Ajāya pādaṃ gahetvā socati kilamati evaṃ niccakālaṃ socatīti imāya gāthāya bodhisatto dhammaṃ desesi.