Evaṃ bodhisatto isigaṇaṃ ovaditvā cattāro brahmavihāre bhāvetvā āyuhapariyosāne brahmaloke uppajji.

Satthāpi na tvaṃ bhikkhu idāneva dubbaco pubbepi dubbaco dubbacabhāvena ca āsīvisamukhe pūtibhāvaṃ pattosīti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi tadā Veḷukapitā dubbacabhikkhu ahosi sesaparisā buddhaparisā gaṇasatthā pana ahamevāti.

Veḷukajātakaṃ tatiyaṃ.