sārambhahetu pana sādisassa

Yo cīdha hīnassa vaco khametha

etaṃ khantiṃ uttamamāhu santoti. Evamādīnaṃ gāthānaṃ vacanapaṭivacanavasena sambandho veditabbo.

Tattha akkhāhi meti bhante koṇḍañña tumhehi dve pañhā sukathitā eko me cittaṃ na gaṇhāti kathaṃ sakkā attano hīnatarassa vacanaṃ adhivāsetuṃ taṃ me akkhāhīti pucchanto evamāha. Etaṃ khantinti yaṃ etaṃ jātigottādīhi hīnassa vacanaṃ khamanaṃ etaṃ khantiṃ uttamanti porāṇakapaṇḍitā vadanti. Yaṃ panetaṃ jātiādīhi seṭṭhassa bhayena sadisassa karaṇuttariyalakkhaṇe sārambhe ādīnavadassanena khamanaṃ nesā adhivāsanakhanti nāmāti attho.