adiṭṭhapubbake pose kāmaṃ tasmiṃpi vissaseti.

Tattha yasmiṃ mano nivīsatīti yasmiṃ puggale diṭṭhamatteyeva cittaṃ patiṭṭhāti. Cittañcāpi pasīdatīti yasmiṃ diṭṭhamatte cittampi pasīdati mudukaṃ hoti. Adiṭṭhapubbake poseti pakatiyā tasmiṃ attabhāve adiṭṭhapubbepi puggale. Kāmaṃ tasmiṃpi vissaseti anubhūtapubbasinehavaseneva tasmiṃpi puggale ekaṃsena vissase vissāsaṃ āpajjatiyevāti attho.

Evaṃ satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi tadā brāhmaṇo ca brāhmaṇī ca eteeva ahesuṃ puttopi ahamevāti.

Sāketajātakaṃ aṭṭhamaṃ.