Satthā evaṃ bhikkhave cittaṃ nāmetaṃ kilesavasena allīnaṃ dummocayaṃ hoti uppannā lobhadhammā duppajahā evarūpepi paṇḍite aññāṇe karontīti imaṃ dhammadesanaṃ āharitvā saccāni pakāsesi. Saccapariyosāne keci sotāpannā ahesuṃ keci sakadāgāmino keci anāgāmino keci arahattaṃ pāpuṇiṃsu. Satthāpi anusandhiṃ ghaṭetvā jātakaṃ samodhānesi tadā rājā ānando ahosi parisā buddhaparisā kuddālakapaṇḍito pana ahamevāti.

Kuddālajātakaṃ dasamaṃ.

Itthīvaggo sattamo.