accuggatā atibalatā ativelaṃ pabhāsitā

vācā hanati dummedhaṃ tittiraṃvātivassitanti.

Tattha accuggatāti atiuggatā. Atibalatāti punappunaṃ bhāsamānena atibalasabhāvā. Ativelaṃ pabhāsitāti atikkantavelā pamāṇātikkamena bhāsitā. Tittiraṃvātivassitanti yathā tittiraṃ ativassitaṃ hanati tathā evarūpā vācā dummedhaṃ bālapuggalaṃ hanatīti.

Evaṃ bodhisatto isigaṇassa ovādaṃ datvā cattāro brahmavihāre bhāvetvā brahmalokaparāyano ahosi.