nāssa sīlaṃ vijānātha anaññāya pasaṃsatha,

aggihuttañca ūhanaṃ dve ca bhinnā kamaṇḍalūti.

Tattha anaññāyāti ajānitvā. Ūhananti iminā pāpamakkaṭena ūhanaṃ. Kamaṇḍalūti kuṇḍikā. Dve ca kuṇḍikā tena bhinnāti evamassa aguṇaṃ kathesi. Manussā makkaṭassa kuhakabhāvaṃ ñatvā leḍḍū ca yaṭṭhiyo ca gahetvā pothetvā palāpetvā isigaṇassa bhikkhaṃ adaṃsu. Isiyopi himavantameva gantvā aparihīnajjhānā brahmalokaparāyanā ahesuṃ.

Satthā imaṃ dhammadesanaṃ āharitvā jātakaṃ samodhānesi. Tadā Makkaṭo ayaṃ kuhako ahosi, isigaṇā buddhaparisā, gaṇasatthā pana ahamevāti.