yaṃ supaṇṇo supaṇṇena devo devena mantaye,

kiṃ tattha catumaṭṭhassa vilaṃ pavisa jambukāti.

Tattha supaṇṇoti sundarapaṇṇo. Supaṇṇenāti dutiyena haṃsapotakena. Devo devenāti te yeva dve deve katvā katheti. Catumaṭṭhassāti sarīrena jātiyā sarena guṇenāti imehi catūhi maṭṭhassa suddhassāti akkharattho. Asuddhaṃ yeva pana pasaṃsāvacanena nindanto evamāha. Catūhi maṭṭhassa lāmakassa kiṃ ettha sigālassāti ayamettha adhippāyo. Vilaṃ pavisāti idaṃ bodhisatto bheravārammaṇaṃ dassetvā taṃ palāpento āha.

Satthā imaṃ dhammadesanaṃ āharitvā jātakaṃ samodhānesi. Tadā mahallako sigālo ahosi, dve haṃsapotakā sāriputtamoggallānā, rukkhadevatā pana ahamevāti.