[๑๐๗๒] โย มํ ปุเร ปจฺจุเทติ ๓ อรญฺเญ ทูรมายโต ๔ โส น ทิสฺสติ มาตงฺโค โสมทตฺโต กุหึ คโต ฯ

[๑๐๗๓] อยํ วา โส มโต เสติ อลฺลปิตํว วิจฺฉิโต ๕ ภูมฺยา นิปติโต เสติ อมรา วต กุญฺชโร ฯ

[๑๐๗๔] อนคาริยุเปตสฺส วิปฺปมุตฺตสฺส เต สโต สมณสฺส น ตํ สาธุ ยํ เปตมนุโสจติ ฯ

[๑๐๗๕] สํวาเสน หเว สกฺก มนุสฺสสฺส มิคสฺส วา #๑ ยุ. ตถาหิ ฯ ๒ ม. ภทฺทนฺเต ฯ ๓ ม. ปจฺจุฑฺเฑติ ฯ ๔ สี. ทูรมาคโต ฯ #๕ ม. อลฺลสิงฺคํว วจฺฉิโต ฯ สี. ยุ. อลฺลปึกํว ฉิชฺชิโต ฯ หทเย ชายตี เปมํ น ตํ สกฺกา อโสจิตุํ ฯ