[๘๓๗] มา ตาต กุชฺฌิ น หิ สาธุ โกโธ พหุมฺปิ เต อทิฏฺฐํ อสฺสุตญฺจ มาตาปิตา ทิสา ๑ ตาต เสตเกตุ อาจริยมาหุ ทิสตํ ปสตฺถา ฯ

[๘๓๘] อคาริโน อนฺนปานวตฺถทา ๒ อวฺหายิกา ตมฺปิ ทิสํ วทนฺติ เอสา ทิสา ปรมา เสตเกตุ ยํ ปตฺวา ทุกฺขี สุขิโน ภวนฺติ ฯ

[๘๓๙] ขราชินา ชฏิลา ปงฺกทนฺตา ทุมุกฺขรูปา ๓ เยเม ชปนฺติ มนฺเต กจฺจิ นุ เต มานุสเก ปโยเค อิทํ วิทู ปริมุตฺตา อปายา ฯ

[๘๔๐] ปาปานิ กมฺมานิ กริตฺวา ๔ ราช พหุสฺสุโต เนว ๕ จเรยฺย ธมฺมํ สหสฺสเวโทปิ น ตํ ปฏิจฺจ ทุกฺขา ปมุญฺเจ จรณํ อปตฺวา ฯ