[๑๒๐๗] ปริสงฺกุปโถ นาม คิชฺฌปโถ ๑ สนนฺตโน ตตฺราสิ มาตาปิตโร คิชฺโฌ โปเสสิ ชิณฺณเก ฯ

[๑๒๐๘] เตสํ อชครํ เมทํ อจฺจหาสิ พหุตโส ๒ ปิตา จ ปุตฺตํ อวจ ชานํ อุจฺจํ ปปาตินํ สุปตฺตํ ปกฺขสมฺปนฺนํ ๓ เตชสึ ทูรคามินํ ฯ

[๑๒๐๙] ปริปฺลวนฺตํ ปฐวึ ยทา ตาต วิชานหิ สาคเรน ปริกฺขิตฺตํ จกฺกํว ปริมณฺฑลํ ตโต ตาต นิวตฺตสฺสุ มาสฺสุ เอตฺโต ปรํ คมิ ฯ

[๑๒๑๐] อุทปตฺโตสิ ๔ เวเคน พลี ปกฺขี ทิชุตฺตโม โอโลกยนฺโต วงฺกงฺโค ปพฺพตานิ วนานิ จ ฯ