[๑๘๙๕] ตเมว ๑ รกฺขาวรณํ กโรนฺโต สรีรเภทาปิ น สนฺตสามิ กโรนฺติ เหเต ๒ สขีนํ สขาโร ปาณํ จชนฺตา ๓ สตเมส ธมฺโม ฯ

[๑๘๙๖] สุทุกฺกรํ กมฺมมกาสิ อณฺฑโชยํ ๔ วิหงฺคโม อตฺถาย กุรุโร ปุตฺเต อฑฺฒรตฺเต อนาคเต ฯ

[๑๘๙๗] จุตาปิ เหเก ขลิตา สกมฺมุนา มิตฺตานุกมฺปาย ปติฏฺฐหนฺติ ปุตฺตา มมฏฺฏา คติมาคโตสฺมิ อตฺถํ จเรถ มม วาริจร ๕ ฯ

[๑๘๙๘] ธเนน ธญฺเญน จ อตฺตนา จ มิตฺตํ สหายญฺจ กโรนฺติ ปณฺฑิตา กโรมิ เต เสนก เอตมตฺถํ อริโย หิ อริยสฺส กโรติ กิจฺจํ ฯ